Улсын Их Хурлын 2019 оны намрын ээлжит чуулган 10 дугаар сарын 01-ны өдөр төрийн ордонд албан ёсоор нээлттээ хийлээ.

 УИХ-ын дарга Г.Занданшатар УИХ-ын 2016 оны сонгуулийн үр дүнгээр байгуулагдсан долоо дахь удаагийн парламентын бүрэн эрхийн хугацаа өндөрлөхөд ердөө хоёр ээлжит чуулган үлдэж байна. Энэ чуулганы дараа 2020 оны хаврын ээлжит чуулган бий. Тиймээс УИХ-ын намрын чуулган шахуу хуваарьтай өндөр ачаалалтай ажиллахыг онцолсон.

Маш олон хуулийн төсөл, нэмэлт өөрчлөлт, тогтоолын төслүүд энэ намрын чуулганаар хэлэлцэгдэхээр хүлээгдэж байна. Ялангуяа Монгол Улсын Үндсэн хуульд оруулах нэмэлт өөрчлөлт болон Сонгуулийн тухай багц хуулийн төслүүд нь дараа жилийн Парламентын сонгууль болохоос 6 сарын өмнө батлагдах шаардлагатай юм.

Энэ намрын чуулганаар дараах асуудлыг хэлэлцэхээр төлөвлөсөн байна. Үүнд:

• Монгол Улсын 2020 оны төсвийн тухай хуулиуд;
• Нийслэлийн эрх зүйн байдлын тухай хуулийн шинэчилсэн найруулгын төсөл;
• Хот, тосгоны эрх зүйн байдлын тухай хуулийн төсөл;
• Хүнсний тухай хуульд өөрчлөлт оруулах тухай болон Хүнсний бүтээгдэхүүний аюулгүй байдлыг хангах тухай хуульд нэмэлт, өөрчлөлт оруулах тухай хуулийн төсөл
• Гэр бүлийн тухай хуулийн шинэчилсэн найруулгын төсөл
• Хөдөлмөрийн тухай хуулийн шинэчилсэн найруулгын төсөл
• Зөрчил шалган шийдвэрлэх тухай хуульд нэмэлт, өөрчлөлт оруулах тухай хуулийн төсөл
• Эрүүгийн хуульд өөрчлөлт оруулах тухай хуулийн төсөл;        
• Эрүүгийн хэрэг шүүхэд хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл
• Өмгөөллийн тухай хуулийн төсөл;
• Аялал жуулчлалын тухай хуулийн шинэчилсэн найруулгын төсөл;
• Эрдэс баялгийн ил тод байдлын тухай хуулийн төсөл;
• Өрсөлдөөний тухай хуулийн шинэчилсэн найруулгын төсөл; болон
• Эх оронч худалдан авалтын тухай хуулийн төсөл гээд нийт 28 хуулийн төсөл, бусад улсын их хурлын тогтоолыг намрын ээлжит чуулганаар хэлэлцэн батлахаар төлөвлөжээ.